Япон–Монголын Эдийн засгийн Найрамдлын Холбоо нь хоёр улсын эдийн засаг, нийгмийн хөгжилд хувь нэмэр оруулж буй байгууллагуудын үйл ажиллагааг танилцуулж байна. Энэ удаа Улаанбаатар хотод төвтэй, барилга, тээвэр, санхүү, амьдралын хэв маяг зэрэг олон салбарт амжилттай үйл ажиллагаа явуулж буй UB Group LLC (Ulaanbaatar Group)– ийг танилцуулж байна.

UB Group нь 500 орчим ажилтантай, Монгол Улсын томоохон олон салбартай бизнесийн группийн нэг бөгөөд хотын дэд бүтэц, амьдралын чанарыг сайжруулахад өргөн хүрээнд хувь нэмэр оруулж байна. Одоогийн байдлаар тус ĸомпани нь барилга, тээвэр, санхүү ба хөрөнгө оруулалт, амьдралын хэв маяг гэсэн дөрвөн үндсэн чиглэлээр үйл ажиллагаагаа төвлөрүүлж, тогтвортой хөгжил болон хэрэглэгчийн сэтгэл ханамжийг нэн тэргүүнд тавин ажиллаж байна.

Барилгын салбарт тус ĸомпани нь худалдааны төв, орон сууцны хороолол зэрэг томоохон төслүүдээр дамжуулан хот байгуулалтад хувь нэмэр оруулж байна. Тээврийн салбарт Монгол Улсад анх удаа газрын тос тээвэрлэлтийн дэвшилтэт технологи нэвтрүүлж, олон улсын түүхий эдийн тээврийг амжилттай хэрэгжүүлж байна. Санхүү ба хөрөнгө оруулалтын чиглэлээр бүс нутгийн эдийн засгийг дэмжсэн хөрөнгө бүрдүүлэлт, хөрөнгийн удирдлагыг хэрэгжүүлдэг бол амьдралын хэв маягийн салбарт жижиглэн худалдаа, үл хөдлөх хөрөнгө, нийтийн хоолны салбараар дамжуулан иргэдийн амьдралын чанарыг дээшлүүлэхэд анхаарч ажиллаж байна.

Сүүлийн жилүүдэд онцгой анхаарал татаж буй төслүүдийн нэг бол Японы түргэн хоолны сүлжээ “Yoshinoya”-гийн Монгол дахь өргөтгөл юм. 2023 оны 1 дүгээр сард анхны салбараа нээж, 2025 оны эх гэхэд дөрвөн салбартай болох төлөвлөгөөтэй. Тус ĸомпани нь Монголын хоолны соёлд тохируулсан “Хонины махтай будаатай аяга” (Матон-дон) зэрэг бүтээгдэхүүн хөгжүүлж, орон нутгийн онцлогт нийцсэн ресторан бизнесийг амжилттай өргөжүүлж байна.

Мөн эрчим хүч, барилга, ложистиĸийн салбарт байгаль орчинд ээлтэй, тогтвортой нийгмийг бий болгох чиглэлээр идэвхтэй ажиллаж байгаа бөгөөд төр–хувийн хэвшлийн хамтын ажиллагаа (PPP) бүхий дэд бүтцийн төслүүдэд ч оролцож байна. Цаашид UB Group нь Монгол Улсын хот байгуулалт, нийгмийн дэд бүтцийн хөгжилд чухал үүрэг гүйцэтгэх хүлээлттэй байна.

Манай холбоо цаашид UB Group-ийн үйл ажиллагаанд анхаарлаа хандуулж, хоёр улсын хамтын ажиллагааны шинэ боломжуудыг нээхэд дэмжлэг  үзүүлэхийн төлөө ажиллах болно.

UB Group-ийн дэлгэрэнгүй мэдээллийг ĸомпанийн Learn more авна уу.